அதிபர் ஒரு போதனா தலைவராக

 அதிபர் போதனா தலைவர் என்ற வகையில்

போதனா தலைமைத்துவம் என்பது கல்வி வழங்கும் நிறுவனம் ஒன்றின் கல்வி வழங்கும் செயல் முறையில் அதாவது கற்றல் கற்பித்தல் செயல்பாடுகள் மாணவர் மதிப்பீடு, கணிப்பீடு மற்றும் மாணவர் அடைவு மட்டத்தை உயர்ந்த நிலையில் பேணுதல் ஆகிய பணிகளுக்காக அதிபர் முதன்மை நிலையை வழங்கி செயற்படுதலை குறித்து நிற்கின்றது. 

பிரட் சி. லுன்பேர்க் (2010) கின் கூற்றுப்படி அதிபர்களின் போதனா தலைமைத்துவம் அதிகளவில் வெளியீட்டை அடிப்படையாகக் கொண்டது. மேலும் ஒரு பாடசாலையின் முழுமையான பயன்படுதன்மையையும் பாடசாலையின் வளர்ச்சியையும் தீர்மானிக்கின்ற ஒரு தீர்க்கமான காரணி அதிபரின் போதனா தலைமைத்துவமாகும். 

போதனா தலைமைத்துவம் பாடசாலை அதிபர்கள் நிர்வாக மற்றும் பணியகவாட்சிசார் செயற்பாடுகளுடன் மாத்திரம் தன்னை சம்பந்தப்படுத்திக் கொள்ளாமல் அதிலிருந்து கணிசமான அளவில் விலகி பாடசாலையில் இடம்பெறும் கல்விசார் பணிகளில் பங்கெடுத்தலாக அமையும்.

போதனா தலைமைத்துவம் எண்ணக்கரு வளர்ச்சி

1980 களில் தோற்றம் பெற்ற வளர்ச்சியடைந்த கல்வி முகாமைத்துவத்துடன் தொடர்பான ஓர் எண்ணக்கருவாகும். கல்வித்துறையில் விளைகிறனான அல்லது பயன் தரும் பாடசாலை என்ற எண்ணக்கரு வளர்ச்சியுடன் இணைந்து உருவாகலாயிற்று. 1990 களில் பிரபல்யமடையத் தொடங்கிய பாடசாலை மட்ட முகாமைத்துவ இயக்கம் பாடசாலைகளின் கல்வி அடைவு மட்டத்திற்கு பாடசாலையே வகை கூற வேண்டுமென்ற நிலை ஏற்பட்டதுடன் இந்த எண்ணக்கரு மேலும் வலுவடையத் தொடங்கியது.

போதனா தலைமைத்துவம் பற்றிய ஆய்வு முடிவுகள்

பாடசாலை அதிபர் பாடசாலையில் இடம் பெறும் போதனைச் செயன்முறைக்கும் அதன் வெளியீட்டிற்கும் பூரண பொறுப்பாளியானவர் என்பதால் அவர் பணிகள் சார் விடயத்திற்கு கூடுதலான நேரத்தையும் கவனத்தையும் செலுத்துதல் வேண்டும். ஆயினும் அதிபர்கள் தமது நேரத்தில் கிட்டத்தட்ட பத்து சதவீதத்தையே பாடசாலையில் கல்வி சார் பணிகளுக்கு செலவு செய்கின்றனர். பாடசாலையில் அதிபர்கள் விரும்பியோ விரும்பாமலோ நிர்வாகி, முகாமியாளர் மற்றும் போதனா தலைவர் என்ற வகிபாகங்களை வகிக்க வேண்டியுள்ளது. அவர்கள் இந்த மூன்று பிரதான வகிபாகங்களுக்கும் இடையில் ஒரு சமநிலையை பேண வேண்டியவராகும்.

போதனா தலைமைத்துவ பண்புகளை வளர்த்துக் கொள்ளல்

☝கல்வியுடன் தொடர்பான துறையில் வான்மைத்துவம் பெறல்

 💧கல்வி கோட்பாடுகள் தத்துவம் 

💧கலைத்திட்டம் 

💧கல்வி உளவியல் 

💧கல்வியுடன் தொடர்பான சமூக பொருளாதார சிந்தனைகள் 

💧கற்றல் கற்பித்தல் முறைகள் 

💧மதிப்பீடு கணிப்பீடு போன்றன 

💧கல்வி சீர்திருத்தங்கள் மற்றும் சமகால கல்வி முறைமை கல்வியின் நவீன போக்குகள்

போதனா தலைவருக்குரிய திறன்கள் 

போதனா தலைவர்கள் 4 வகையான திறன்கள் ஐக் கொண்டிருக்க வேண்டும் 

1. ஆளுடைத் தொடர்பு திறன்கள் 

2. திட்டமிடல் திறன்கள் 

3. போதனா அவதானிப்பு திறன்கள்

4. ஆய்வு மற்றும் மதிப்பீடு திறன்கள் 

நான்கு திறன்கள்

1.கற்றல் வளங்களை வழங்கும் திறன்

2. போதித்தவர் திறன்

3. தொடர்பாடல் திறன்

4. கற்றல் கற்பித்தல் உடன் தொடர்பான செயற்பாட்டுத் திறன்

டஇயஉபஓர் என்பவர் ஒருவர் சிறந்த போதனா தலைவராக திகழ பின்வரும் மூன்று துறைகளில் நிபுணத்துவம் பெற வேண்டும் என்கின்றார்

 1. கலைத்திட்டம் 

2. அறிவுறுத்தல் அல்லது போதனை செய்தல் 

3. கணிப்பிடல்

 சமகாலத்தில் பாடசாலை என்ற கல்வி நிறுவனத்திற்கும் தலைமைத்துவம் வழங்குபவர் போதனை தலைவராக செயல்படும் வகிபாகத்திற்கு முதலிடத்தையும் முகாமையாளராக செயல்படும் வகிபாகத்திற்கு இரண்டாம் இடத்தையும் நிர்வாகியாக செயல்படும் வகிபாகத்திற்கு மூன்றாம் இடத்தையும் வழங்குதல் வேண்டும்