திட்டமிடல்

 திட்டமிடலின் செயலன்முறைகள்

1. நிலைமை பகுப்பாய்வு

2. எதிர்காலத்திற்கான திட்ட வடிவமைப்பை மேற்கொள்ளல்

3. திட்டமிடல்

4. திட்டத்தை ஏற்கச் செய்தல்

5. திட்ட அமுலாக்கமும் கண்காணிப்பும்

6. திட்ட மதிப்பீடு

நிலைமை பகுப்பாய்வு:- 

ஒழுங்கமைப்பின் சமகால நிலைமையை கண்டறியும் கட்டம் இதுவாகும். இதற்காக பல்வேறு நுட்பங்களை பயன்படுத்தலாம். செயலுபாய திட்டமிடலுக்கு தேவையான தரவுகள் தகவல்கள் பெறவும் அதனை அடிப்படையாகக் கொண்டு சமகாலத்தில் ஒழுங்கமைப்பு கொண்டுள்ள பலம்,பலவீனம்,  வாய்ப்புகள் மற்றும் அச்சுறுத்தல்களை இனங்காணலாம். அதற்காக முகாமைத்துவ சிந்தனையாளர்களால் பயன்படுத்தப்பட்டு சிபாரிசு செய்யப்பட்டுள்ளவற்றில் மிகப் பொருத்தமானவற்றை பயன்படுத்துதல் இடம் பெறும்.

பாடசாலை மட்ட திட்டமிடலுக்காக பாடசாலையின் சமகால நிலை பாடசாலை சூழல் மற்றும் சமூகம் கல்விக் கொள்கைகளை குறிப்பாக தீர்மானித்தல் வளங்களை இனம் காணுதல் SWOT பகுப்பாய்வு பற்றி குறித்து விளக்கி இருப்பதை கூடுதலாக கவனத்தில் கொள்ளலாம். இதைத் தவிர பாடசாலையின் உள்ளக மற்றும் வெளியக மதிப்பீட்டறிக்கைகள் மேற்பார்வை  அறிக்கைகள் கலந்துரையாடலில் வினா கொத்துக்களில் அவதானிப்பு அட்டவணை மற்றும் ஆவண ஆய்வுகளில் பெறப்பட்ட தரவுகள் தகவல்களை கொண்டு சமகால நிலைமையை பகுப்பாய்வு செய்யலாம்.

எதிர்காலத்திற்கான திட்ட வடிவமைப்பு:-

 முன் திட்டமிட்டல் அல்லது திட்ட வரைபு எனவும் குறிப்பிடப்படும் கட்டம் கொள்கை இலக்குகள் செயலபாயங்கள்  குறிக்கோள்கள் அமுலாக்கல்  நிகழ்ச்சித் திட்டங்களை முன்மொழிதல் எட்டவுள்ள இலக்குகள் அவற்றை அடைவதற்கான வளங்கள் முன்னுரிமை மற்றும் சாத்தியப்பாடுகளை பரிசீலித்தல்.

திட்டத் தயாரிப்பு:- 

திட்டவடி வமைப்பில் பெறப்பட்ட முன்னுரிமை நீண்ட காலத்தில் அடைய எதிர்பார்க்கும் இலக்குகளை உள்ளடக்கிய நீண்டகால திட்டத்தையும் முன்னுரிமை வழங்க வேண்டிய விடயங்களை உள்ளடக்கிய வருடாந்த அமுலாக்கல்  திட்டத்தையும் தயாரித்தல்.

திட்டத்தை ஏற்கச் செய்தல்:- 

திட்டம் தயாரிக்கப்பட்டதன் பின்னர் அதை அனுமதித்துக் கொள்ளும் கட்டமாகும். திட்டத்தை அமுலாக்குவதற்கு முன்னர் அதற்கான அனுமதியை தனது மேற்பார்வையாளரின் பார்வைக்கு சமர்ப்பித்து அதற்கான அனுமதியை பெற்றுக் கொள்ளல்.

திட்ட அமுலாக்கமும் கண்காணிப்பும்:- 

வருடாந்த அமுலாக்கல் திட்டத்தில் கூறப்பட்டுள்ள இலக்கை அடைவதற்கான செயல்பாடுகளை ஆரம்பித்தல். அவை திட்டமிட்டவாறும் இலக்கை நோக்கி அடைவதையும் உறுதி செய்யும் பொருட்டு கண்காணித்தல் மீளாய்வு கூட்டங்கள் முன்னேற்ற கட்டுப்பாடுகளை மேற்கொள்ளல் பின்னூட்டல்களை மேற்கொள்ளல் தேவைப்படின் மாற்றங்களையும் திருத்தங்களையும் மேற்கொள்ளல் என்பன இடம் பெறும்.

திட்ட மதிப்பீடு:-

திட்ட அமுலாக்கலின் பின்னர் திட்டத்தில் குறிப்பிடப்பட்டுள்ள குறிக்கோள்கள் அடையப்பட்டுள்ளது எந்த அளவு எதிர்பார்க்கப்பட்ட பலாபலன்  கிட்டியுள்ளது.  ஏற்பட்ட செலவுக்கு கிடைத்த பலாபலன்  வாடிக்கையாளர் பெற்ற திருப்தி திட்டத்தின் பயனுடைமை என்பவற்றை ஒன்றோ ஒன்றுக்கு மேற்பட்ட மதிப்பீட்டு வடிவங்களை அல்லது மதிப்பீட்டு உபகரணங்களை பயன்படுத்தி மதிப்பீடு செய்தல் வேண்டும். கடந்த வருடங்களில் பெற்ற பெறுபேறுகள் அல்லது அடைவுகளுடன் ஒப்பிட்டு பார்த்தும் திட்டத்தின் வெற்றியை மதிப்பிடலாம்.